About Sathyamargam.org
ക്രൈസ്തവ വിശ്വാസപ്രമാണമായ ബൈബിളിനു നേരേയും ക്രൈസ്തവവിശ്വാസത്തിന്‍റെ ആണിക്കല്ലായ യേശുക്രിസ്തുവിന്‍റെ ആളത്വത്തിനു നേരേയും വിവിധ ഇസ്ലാമിക ഗ്രൂപ്പുകള്‍ അസത്യജഡിലമായ ആരോപണങ്ങള്‍ തുടരെത്തുടരെ ഉന്നയിച്ചുകൊണ്ടിരിക്കുന്ന ഈ കാലയളവില്‍, അവരുടെ വ്യാജാരോപണങ്ങള്‍ക്ക് ഞങ്ങളുടെ കര്‍ത്താവിലാശ്രയിച്ചു മറുപടി കൊടുക്കാനും ഞങ്ങളെ വിമര്‍ശിക്കുന്നവരുടെ വിശ്വാസം എത്ര ദുര്‍ബ്ബലമാണെന്ന് തുറന്നു കാട്ടാനും വേണ്ടി സത്യമാര്‍ഗ്ഗം നിലകൊള്ളുന്നു. അമുസ്ലീങ്ങളെ ഇസ്ലാമിലേക്ക് ക്ഷണിക്കുന്ന ദാവാ പ്രവര്‍ത്തകര്‍ യഥാര്‍ത്ഥത്തില്‍ എത്രമാത്രം ചതിയും നുണയും തന്ത്രങ്ങളും ഉപയോഗിച്ചാണ് തങ്ങളുടെ മതം പ്രചരിപ്പിക്കുന്നത് എന്ന നഗ്നസത്യം പൊതുജനങ്ങള്‍ അറിയണമെന്ന് സത്യമാര്‍ഗ്ഗം ആഗ്രഹിക്കുന്നു. ഇത്, അതിനുള്ള ഒരു വേദി മാത്രം...
Archives
  • December 2017 (1)
  • October 2017 (5)
  • September 2017 (1)
  • May 2017 (2)
  • March 2017 (4)
  • February 2017 (1)
  • January 2017 (1)
  • December 2016 (1)
  • October 2016 (2)
  • September 2016 (4)
  • August 2016 (2)
  • June 2016 (4)
  • May 2016 (8)
  • April 2016 (7)
  • December 2015 (2)
  • October 2015 (3)
  • July 2015 (1)
  • June 2015 (1)
  • May 2015 (4)
  • April 2015 (8)
  • March 2015 (3)
  • January 2015 (3)
  • December 2014 (2)
  • October 2014 (1)
  • August 2014 (5)
  • June 2014 (1)
  • May 2014 (6)
  • April 2014 (2)
  • March 2014 (3)
  • February 2014 (2)
  • January 2014 (3)
  • December 2013 (7)
  • November 2013 (3)
  • October 2013 (7)
  • September 2013 (2)
  • August 2013 (2)
  • July 2013 (3)
  • May 2013 (4)
  • April 2013 (7)
  • March 2013 (4)
  • February 2013 (5)
  • January 2013 (3)
  • November 2012 (1)
  • October 2012 (3)
  • August 2012 (5)
  • July 2012 (16)
  • June 2012 (5)
  • May 2012 (10)
  • Like us on facebook
    Verse of the Day
    നിങ്ങളുടെ ഹൃദയം കലങ്ങിപ്പോകരുതു; ദൈവത്തിൽ വിശ്വസിപ്പിൻ, എന്നിലും വിശ്വസിപ്പിൻ.എന്റെ പിതാവിന്റെ ഭവനത്തിൽ അനേകം വാസസ്ഥലങ്ങൾ ഉണ്ടു; ഇല്ലെങ്കിൽ ഞാൻ നിങ്ങളോടു പറയുമായിരുന്നു. ഞാൻ നിങ്ങൾക്കു സ്ഥലം ഒരുക്കുവാൻ പോകുന്നു. ഞാൻ പോയി നിങ്ങൾക്കു സ്ഥലം ഒരുക്കിയാൽ, ഞാൻ ഇരിക്കുന്ന ഇടത്തു നിങ്ങളും ഇരിക്കേണ്ടതിന്നു പിന്നെയും വന്നു നിങ്ങളെ എന്റെ അടുക്കൽ ചേർത്തുകൊള്ളും(John 14:1-3)
    Visitors Info
    free counters

    മുഹമ്മദ്‌ ഈസായുടെ ബൈബിള്‍ സ്റ്റഡിക്ക് മറുപടി-(ഭാഗം 2)

    മുഹമ്മദ്‌ ഈസായുടെ ബൈബിള്‍ സ്റ്റഡിക്ക് മറുപടി-(ഭാഗം 2)

    അനില്‍കുമാര്‍ വി അയ്യപ്പന്‍

    (ക്രൈസ്തവ വിശ്വാസ പ്രമാണമായ ബൈബിളിനും വിശുദ്ധ അപ്പോ സ്തലനായ പൗലോസിനും എതിരെ പുസ്തകങ്ങളിലൂടെയും ലേഖന ങ്ങളിലൂടെയും ആക്രമണം നടത്തിക്കൊണ്ടിരിക്കുന്ന ശ്രീ. മുഹമ്മദ്‌ ഈസാ, മറ്റൊരു ദാവാ പ്രവര്‍ത്തകനായ ശ്രീ. എം.എം. അക്ബറിന്‍റെ  സ്നേഹസംവാദം മാസികയില്‍ എഴുതിയിരിക്കുന്ന ബൈബിള്‍ സ്റ്റഡി എന്ന ലേബലിലുള്ള കുറിപ്പുകള്‍ക്ക് മറുപടി കൊടുക്കണം എന്ന് പല ക്രൈസ്തവ സ്നേഹിതരും ആവശ്യപ്പെട്ടതിന്‍ പ്രകാരം ആ മാസികയുടെ വിവിധ ലക്കങ്ങളില്‍ വന്നിരിക്കുന്ന മുഹമ്മദ്‌ ഈസായുടെ ലേഖനങ്ങളെ വിശുദ്ധ ബൈബിളിന്‍റെ അടിസ്ഥാനത്തില്‍ വിശകലനം ചെയ്യുവാന്‍ ആഗ്രഹിക്കുകയാണ്. ആദ്യം, ‘ഇസ്ലാം വിമര്‍ശനം: മിഷനറി ആരോപണങ്ങള്‍ക്ക് ബൈബിള്‍ മാപ്പ് നല്‍കുമോ?’ എന്ന അദ്ദേഹത്തിന്‍റെ ലേഖനം നിരൂപണം ചെയ്യുന്നു:

    ശ്രീ. മുഹമ്മദ്‌ ഈസാ എഴുതുന്നു:

     

    പുരുഷന്റെ താടിരോമം

     

    “നിങ്ങളുടെ താടിയുടെ അറ്റം മുറിക്കരുത്.” (ലേവ്യ 19:27) ഈ നിയമത്തെ അനുസരിച്ചാണ് യേശുവും അപ്പൊസ്തലന്മാരും മുന്‍കാല പ്രവാചകന്മാരും താടി വളര്‍ത്തിയത്. താടിരോമം വടിക്കുന്നത് പോയിട്ട്, അതിന്റെ അറ്റം മുറിക്കാന്‍പോലും അവര്‍ക്ക് അനുവദിച്ചിട്ടില്ല. ഇത് സംബന്ധമായ ഒരു സംഭവം ദാവീദ് പ്രവാചകന്റെ കാലത്ത് നടന്നത് ഇങ്ങനെയാണ്.

     

    ഒരിക്കല്‍ ദാവീദ് രാജാവ്, അമ്മോന്യ രാജാവായ ഹാനൂനിന്റെ അടുക്കലേക്ക് രണ്ട് ദൂതന്മാരെ അയച്ചു. എന്നാല്‍ ചാരപ്രവര്‍ത്തനത്തിന് വന്നതാണെന്ന് തെറ്റുധരിച്ച ഹാനൂന്‍ രാജാവ് ഇവരുടെ വസ്ത്രം നിതംബമധ്യത്തില്‍വച്ച് മുറിച്ച് മാറ്റുകയും, താടി പകുതി വടിപ്പിക്കുകയും ചെയ്തു. അത്യന്തം അപമാനിതരായ ഇവര്‍ പ്രവാചകനും രാജാവുമായ ദാവീദിനെ വിവരം അറിയിച്ചു. അദ്ദേഹം ഇവരോട് ഇങ്ങനെ പറഞ്ഞു: “നിങ്ങള്‍ യെരിഹോവില്‍ തന്നെ താമസിക്കുക. നിങ്ങളുടെ താടി വളര്‍ന്ന് പഴയത് പോലെ ആകുമ്പോള്‍ മടങ്ങി വരിക.” (2 സാമുവേല്‍ 10:5)

     

    ഇവിടെ, താടിയുടെ ബാക്കി ഭാഗം കൂടെ വടിച്ചിട്ട് മാന്യന്മാരായി വരുവാനല്ല, മറിച്ച് താടി വളര്‍ന്ന് പൂര്‍വസ്ഥിതിയിലായിട്ട് തിരിച്ച് വന്നാല്‍ മതിയെന്നാണ് നിര്‍ദേശിക്കുന്നത്.

     

    ആധുനിക ബൈബിള്‍ പണ്ഡിതമ്മന്യനായ മുഹമ്മദ്‌ ഈസാ ഇവിടെ കഥയറിയാതെ ആട്ടം കാണുകയാണ്. ലേവ്യാ പുസ്തകം 18 മുതല്‍ 20 വരെയുള്ള അദ്ധ്യായങ്ങളിലെ വിഷയം കനാന്‍ നാട്ടിലെ ദുരാചാരങ്ങളും പാപജീവിതവും അതിനെതിരെയുള്ള ദൈവത്തിന്‍റെ പ്രബോധനങ്ങളുമാണ്. യഹോവയായ ദൈവം കനാന്‍ ദേശനിവാസികളെ ശിക്ഷിക്കുന്നതിനു മുന്‍പ്‌ അവരുടെ പാപം എന്താണെന്ന് യിസ്രായേല്‍ മക്കളോട് പറയുകയും അത് നിങ്ങള്‍ അനുകരിക്കരുത് എന്ന് അവര്‍ക്ക്‌ താക്കീത് നല്‍കുകയും ചെയ്യുന്നു. ലേവ്യ.18:2,3 വാക്യങ്ങളില്‍ യഹോവയായ ദൈവം മോശെയോടു പറയുന്നത്: “നീ യിസ്രായേല്‍ മക്കളോടു പറയേണ്ടതു എന്തെന്നാല്‍: ഞാന്‍ നിങ്ങളുടെ ദൈവമായ യഹോവ ആകുന്നു; നിങ്ങള്‍ പാര്‍ത്തിരുന്ന മിസ്രയീം ദേശത്തിലെ നടപ്പുപോലെ നിങ്ങള്‍ നടക്കരുതു; ഞാന്‍ നിങ്ങളെ കൊണ്ടുപോകുന്ന കനാന്‍ ദേശത്തിലെ നടപ്പുപോലെയും അരുതുഅവരുടെ മര്യാദ ആചരിക്കരുതു” എന്നാണ്. തുടര്‍ന്നുള്ള വാക്യങ്ങളില്‍ എന്തായിരുന്നു അവരുടെ പാപപ്രവൃത്തികള്‍ എന്ന് വിശദീകരിക്കുന്നു. (ഇതിനെ സംബന്ധിച്ചുള്ള കൂടുതല്‍ അറിവിനായി യഹോവയുടെ യുദ്ധം: അതിന്‍റെ കാരണവും യുദ്ധനിയമങ്ങളും എന്ന ലേഖനങ്ങള്‍ വായിക്കുക) ലേവ്യാ.20:22,23 വാക്യങ്ങളില്‍ ദൈവം പറയുന്നത്:

     

    “ആകയാല്‍ നിങ്ങള്‍ കുടിയിരിക്കേണ്ടതിന്നു ഞാന്‍ നിങ്ങളെ കൊണ്ടുപോകുന്ന ദേശം നിങ്ങളെ ഛര്‍ദ്ദിച്ചുകളയാതിരിപ്പാന്‍ എന്‍റെ എല്ലാ ചട്ടങ്ങളും സകലവിധികളും പ്രമാണിച്ചു ആചരിക്കേണം. ഞാന്‍ നിങ്ങളുടെ മുമ്പില്‍ നിന്നു നീക്കിക്കളയുന്ന ജാതിയുടെ ചട്ടങ്ങളെ അനുസരിച്ചു നടക്കരുതു; ഈ കാര്യങ്ങളെ ഒക്കെയും ചെയ്തതുകൊണ്ടു അവര്‍ എനിക്കു അറപ്പായി തീര്‍ന്നു” എന്നാണ്. മാത്രമല്ല, ആ അദ്ധ്യായം അവസാനിക്കുന്നത് “വെളിച്ചപ്പാടോ മന്ത്രവാദമോ ഉള്ള പുരുഷന്‍ ആകട്ടെ സ്ത്രീയാകട്ടെ മരണശിക്ഷ അനുഭവിക്കേണം; അവരെ കല്ലെറിഞ്ഞു കൊല്ലേണം; അവരുടെ രക്തം അവരുടെ മേല്‍ ഇരിക്കും” എന്ന് പറഞ്ഞു കൊണ്ടാണ്.

     

    ശ്രീ. മുഹമ്മദ്‌ ഈസയുടെ ഈ ലേഖനത്തില്‍ താടിയെ കുറിച്ച് ബൈബിളില്‍ നിന്നും ഉദ്ധരിച്ചിരിക്കുന്നത് മറ്റു പല ലേഖനങ്ങളിലും അദ്ദേഹം ചെയ്തിരിക്കുന്നത് പോലെ അപൂര്‍ണ്ണമായിട്ടാണ്. ലേവ്യാ.19:27 ഞാന്‍ പൂര്‍ണ്ണ രൂപത്തില്‍ താഴെ കൊടുക്കുന്നു:

     

    “നിങ്ങളുടെ തലമുടി ചുറ്റും വിളുമ്പു വടിക്കരുതു; താടിയുടെ അറ്റം വിരൂപമാക്കരുതു.”

     

    എന്തുകൊണ്ടാണ് അദ്ദേഹം ആ വാക്യം പൂര്‍ണ്ണരൂപത്തില്‍ ഉദ്ധരിക്കാതിരുന്നതെന്ന് ഇന്ന് നമ്മുടെ നാട്ടില്‍ സാധാരണ കാണുന്ന മൊട്ടത്തലയും നിസ്കാരത്തഴമ്പുമുള്ള മുസ്ലീങ്ങളുടെ രൂപം നമ്മോട് വിളിച്ചു പറയുന്നുണ്ട്. “നിങ്ങളുടെ തലമുടി ചുറ്റും വിളുമ്പു വടിക്കരുതു” എന്ന ന്യായപ്രമാണത്തിലെ കല്പന നഗ്നമായി ലംഘിച്ചു കൊണ്ടാണ് മുസ്ലീം സുഹൃത്തുക്കള്‍ തലമൊട്ടയടിച്ചു കൊണ്ട് നടക്കുന്നത്. രണ്ടു കല്പനകളുള്ള ഒരു വാക്യത്തിലെ ഒരു കല്പന ലംഘിക്കുകയും മറ്റേ കല്പന അനുസരിക്കുന്നു എന്ന് പറയുകയും ചെയ്യുന്നതിലെ പൊരുത്തക്കേട് ഒഴിവാക്കാന്‍ വേണ്ടി അദ്ദേഹം ആ വാക്യത്തിന്‍റെ ആദ്യഭാഗം അവഗണിച്ചു കളഞ്ഞതാണ്. ശ്രീ. മുഹമ്മദ്‌ ഈസാ സംസാരിക്കുന്നത് ജനങ്ങള്‍ സത്യം മനസ്സിലാക്കാന്‍ വേണ്ടിയല്ല, മറിച്ച് കള്ളത്തരം കാണിച്ചിട്ടായാലും ഇസ്ലാം മതം പ്രചരിപ്പിക്കുക എന്ന നിഗൂഢ ലക്ഷ്യത്തിനു വേണ്ടിയാണ് എന്ന് ഈ തട്ടിപ്പിലൂടെ ഒരിക്കല്‍ കൂടി തെളിയിച്ചിരിക്കുകയാണ്.

     

    ഇനി ഈ വാക്യം കൊണ്ട് ദൈവം എന്താണ് യിസ്രായേല്‍ ജനത്തോട് പറയാന്‍ ഉദ്ദേശിച്ചത് എന്ന് നോക്കാം. അതിനു ഈ വാക്യം മാത്രമല്ല, അതിന്‍റെ മുകളിലും താഴെയുമുള്ള വാക്യങ്ങള്‍ കൂടി നോക്കണം. അത് ഞാന്‍ താഴെ കൊടുക്കുന്നു:

     

    “രക്തത്തോടുകൂടിയുള്ളതു തിന്നരുതു; ആഭിചാരം ചെയ്യരുതു; മുഹൂര്‍ത്തം നോക്കരുതു; നിങ്ങളുടെ തലമുടി ചുറ്റും വിളുമ്പു വടിക്കരുതു; താടിയുടെ അറ്റം വിരൂപമാക്കരുതു. മരിച്ചവന്നുവേണ്ടി ശരീരത്തില്‍ മുറിവുണ്ടാക്കരുതു; മെയ്മേല്‍ പച്ചകുത്തരുതു; ഞാന്‍ യഹോവ ആകുന്നു.”

     

    കനാന്‍ നാട്ടില്‍ നിലനിന്നിരുന്ന ജാതീയ ആചാരങ്ങളെ യിസ്രായേല്‍ ജനം അനുകരിക്കരുത് എന്നുള്ള കല്പനയാണിത്, അല്ലാതെ നിര്‍ബന്ധമായും താടി വളര്‍ത്തിയിരിക്കണം എന്നുള്ള കല്പനയല്ല. വിഗ്രഹങ്ങള്‍ക്ക്‌ ബലിയര്‍പ്പിച്ച ശേഷം രക്തം കുടിക്കുന്നത് കനാന്‍ നാട്ടിലെ ആചാരമായിരുന്നു. (ഈ ലേഖകന്‍ ഹിന്ദു മതത്തിലായിരുന്ന കാലത്ത് വിഗ്രഹങ്ങള്‍ക്ക്‌ മുന്‍പില്‍ അറുത്ത കോഴിയുടെ കഴുത്തില്‍നിന്ന് രക്തം നേരിട്ട് വായിലേക്ക് ചീറ്റിക്കുന്നത് പലവട്ടം കണ്ടിട്ടുണ്ട്) ആഭിചാരം എന്ന് പറഞ്ഞാല്‍ സ്ത്രീയേയോ പുരുഷനെയോ വശീകരിക്കുന്നതിനു വേണ്ടി ചെയ്യുന്ന മന്ത്രവാദ കര്‍മ്മമാണ്. ദൈവത്തില്‍ വിശ്വസിക്കാതെ രാശി ചക്രങ്ങളില്‍ വിശ്വാസമര്‍പ്പിച്ച് എന്തെങ്കിലും പ്രത്യേക കാര്യത്തിനു വേണ്ടി സമയം കുറിക്കുന്നതാണ് മുഹൂര്‍ത്തം നോക്കല്‍. മരിച്ചു പോയവനുവേണ്ടി തലമുടിയുടെ അരികു കത്രിച്ചു കളയുന്നതും താടിയുടെ അറ്റം മുറിച്ചു കളയുന്നതും ശരീരത്തില്‍ മുറിവുണ്ടാക്കുന്നതുമായ ആചാരം കനാന്‍ നാട്ടില്‍ നിലവിലുണ്ടായിരുന്നു. അതു യിസ്രായേല്‍ ജനത്തിനു പാടില്ല എന്ന് വിലക്കുകയാണ് ദൈവം ഇവിടെ. ഇഷ്ടദേവന്‍റെയോ ദേവതയുടെ യോ ചിത്രം ശരീരത്തില്‍ പച്ചകുത്തുന്ന ആചാരവും നിലവിലുണ്ടായി രുന്നു. ഇങ്ങനെ പച്ചകുത്തുന്നതിലൂടെ താന്‍ ഇന്ന ദേവന്‍റെ അല്ലെങ്കില്‍ ദേവതയുടെ വകയാണ് എന്ന് പ്രഖ്യാപിക്കുകയാണ് ചെയ്യുന്നത്. യഹോവയായ ദൈവം ഇക്കാര്യ വും നിരോധിക്കുകയാണ് ഇവിടെ. ഈ കാര്യത്തെയാണ് കഥയറിയാതെ ആട്ടം കാണുന്ന ശ്രീ.മുഹമ്മദ്‌ ഈസാ തന്‍റെ മതപ്രചരണത്തിനു വേണ്ടി ഉപയോഗിക്കാന്‍ ശ്രമിക്കുന്നത്.

     

    താടി പുരുഷത്വത്തിന്‍റെ അടയാളമായി പരിഗണിക്കപ്പെട്ടിരുന്നെങ്കിലും അത് വടിച്ചു കളയാതെ നിലനിര്‍ത്തണം എന്ന നിര്‍ബന്ധ കല്പന ലേവ്യാ പുരോഹിതന്മാര്‍ക്ക് മാത്രം നല്കിയിട്ടുള്ളതായിരുന്നു. എന്നാല്‍ അവര്‍ പോലും കുഷ്ഠരോഗ ബാധിതരായിത്തീര്‍ന്നു രോഗവിമുക്തി നേടിയാല്‍ താടി വടിച്ചു കളയണമായിരുന്നു. ലേവ്യാ പുസ്തകത്തില്‍ തന്നെ അക്കാര്യം രേഖപ്പെടുത്തിയിട്ടുണ്ട്:

     

    “കുഷ്ഠശുദ്ധീകരണം കഴിവാനുള്ളവന്‍റെ മേല്‍ ഏഴു പ്രാവശ്യം തളിച്ചു അവനെ ശുദ്ധിയുള്ളവനെന്നു വിധിക്കയും ജീവനുള്ള പക്ഷിയെ വെളിയില്‍ വിടുകയും വേണം. ശുദ്ധീകരണം കഴിയുന്നവന്‍ വസ്ത്രം അലക്കി രോമം ഒക്കെയും ക്ഷൌരം ചെയ്യിച്ചു വെള്ളത്തില്‍ കുളിക്കേണം; എന്നാല്‍ അവന്‍ ശുദ്ധിയുള്ളവനാകും; അതിന്റെ ശേഷം അവന്‍ പാളയത്തില്‍ ചെന്നു തന്‍റെ കൂടാരത്തിന്നു പുറമേ ഏഴു ദിവസം പാര്‍ക്കേണം. ഏഴാം ദിവസം അവന്‍ തലയും താടിയും പുരികവും എല്ലാം വെടിപ്പാക്കേണം; ഇങ്ങനെ അവന്‍ സകല രോമവും ക്ഷൌരം ചെയ്യിച്ചു വസ്ത്രം അലക്കുകയും ദേഹം വെള്ളത്തില്‍ കഴുകുകയും വേണം; എന്നാല്‍ അവന്‍ ശുദ്ധിയുള്ളവനാകും” (ലേവ്യ.14:9)

     

    ഇവിടെ യഹോവയായ ദൈവം പറയുന്നത് “താടി വടിച്ചെങ്കില്‍ മാത്രമേ അവന്‍ ശുദ്ധിയുള്ളവനാകൂ” എന്നാണ്. ഇത് ശ്രീ.മുഹമ്മദ്‌ ഈസായുടെ വാദഗതികള്‍ക്കെതിരാണ് എന്ന് പ്രത്യേകം പറയേണ്ടല്ലോ. മാത്രമല്ല, താടി വടിക്കുന്ന പല സന്ദര്‍ഭങ്ങളും യിസ്രായേല്‍ ജനത്തിനിടയില്‍ ഉണ്ടായിരുന്നു എന്ന് ബൈബിളില്‍ കാണാന്‍ കഴിയും. വിലാപം കഴിക്കുന്ന സമയത്ത് താടി വടിച്ചു കളയുമായിരുന്നു എന്ന് താഴെയുള്ള വചനങ്ങളില്‍ നിന്നും മനസ്സിലാക്കാം:

     

    “ശെഖേമില്‍നിന്നും ശീലോവില്‍നിന്നും ശമര്യയില്‍നിന്നും എണ്പതു പുരുഷന്മാര്‍ താടി ചിരെച്ചും വസ്ത്രം കീറിയും തങ്ങളെത്തന്നേ മുറിവേല്പിച്ചുംകൊണ്ടു വഴിപാടും കുന്തുരുക്കവും എടുത്തു യഹോവയുടെ ആലയത്തിലേക്കു പോകുംവഴി അവിടെ എത്തി.” (യിരെമ്യാ 41:5)

     

    “ഈ വര്‍ത്തമാനം കേട്ടപ്പോള്‍ ഞാന്‍ എന്‍റെ വസ്ത്രവും മേലങ്കിയും കീറി എന്‍റെ തലയിലും താടിയിലുമുള്ള രോമം വലിച്ചു പറിച്ചു സ്തംഭിച്ചു കുത്തിയിരുന്നു.” (എസ്രാ.9:3)

     

    ശ്രീ.മുഹമ്മദ്‌ ഈസാ അവകാശപ്പെടുന്നത് പോലെ താടിയുടെ അറ്റം മുറിക്കരുത് എന്നല്ല, വിരൂപമാക്കരുത് എന്നാണ് ദൈവം കല്പിച്ചിരിക്കുന്നത് എന്ന കാര്യം പ്രത്യേകം ശ്രദ്ധിക്കുക. താടിയുടെ അറ്റം വിരൂപമാക്കരുത് എന്ന് പറഞ്ഞാല്‍ അതിനര്‍ത്ഥം താടിയുടെ അറ്റം മുറിക്കരുത് എന്നല്ലല്ലോ. ആണ് എന്നാണ് ശ്രീ. മുഹമ്മദ്‌ ഈസാ വാദിക്കുന്നതെങ്കില്‍ ഇന്നുള്ള മുസ്ലീങ്ങള്‍ ആരും താടിയുടെ അറ്റം മുറിക്കാതെയാണോ  നടക്കുന്നത്? എന്തായാലും ക്രിസ്ത്യാനികള്‍ക്കെതിരെയുള്ള മുഹമ്മദ്‌ ഈസായുടെ ബാലിശമായ ഈ ആരോപണം ഞങ്ങള്‍ക്ക്‌ തലയറഞ്ഞു ചിരിക്കാനുള്ള വക ധാരാളം ഉണ്ടാക്കിയിരിക്കുന്നു എന്ന് സമ്മതിക്കാതെ വയ്യ!! (തുടരും…)

    ഷെയര്‍ ചെയ്യൂ...Share on Facebook812Share on Google+0Tweet about this on TwitterShare on LinkedIn0

    4 Comments on “മുഹമ്മദ്‌ ഈസായുടെ ബൈബിള്‍ സ്റ്റഡിക്ക് മറുപടി-(ഭാഗം 2)”

    • 24 February, 2013, 18:23

      Great Work Bro

    • byju
      25 February, 2013, 5:10

      Be honest in our arguments. In one of your articles you told that Psalms 91.9 clearly states that above Jehovah, there is the Most High which is nothing but utter blasphemy. Muslim scholars proved that it is not so, explaining Psalms 91 itself. They also pointed out that it was a verse from the same Psalms 91 the Satan used to tempt Jesus. Put only sound arguments while taking part in serious debates. Otherwise the opponents will mock at you and it will be a shame to the whole church.
      Initially I thought that Mr.Anilkumar is honest and sincere in his arguments against Islam and its Prophet. But this article proved beyond doubt that his arguments are not at all sound. Though he gave up his early religion, his views are still largely influenced by pagan hindu beliefs

    • Guru Geo
      25 February, 2013, 7:29

      Byju kutta perru maati vannaal ninne ariyathilla ennu karithoyyo? Kasttam..ninte pravajaghanne polle thanne kallam parenju manushare pattikyaan nadakuvaa..lol lol

    • Guru Geo
      25 February, 2013, 7:32

      Muhammad Isa.. nattellu ennu parayunna oru sathanam ondu..athu arriyamo? ellenghil athu arriyanam. Penne Anil Kumar Hindu vaayi errinu..eppol Sathya Vishwassiyum. Enaal munn Hindu vaayi errinnu Anilinnu vennam Munn Kristhian ayyaa ninnodu real Christianity enthaanu ennu paadipikendathu.. Avvunna kallathu churchil poyee Yeshuvinte Upadeshengal arrinju enghil ennu oru Convertinte kizhil errinu paadikenda gathikedu varrillayi errinnu..